Мигранттардын кесиптик бирлигинин мүчөсү жана «Инсан-Лейлек» Коомдук Фондунун активисти Абдубаит уулу Толкунбек өткөн семинар жөнүндө маек куруп, семинардан алган таасирлери менен биз менен бөлүштү.

Эске сала кетсек, 30 январь 2021 жылы Мигранттардын кесиптик бирлигинин мүчөлөрү жана «Инсан-Лейлек» коомдук фондунун активистери үчүн Ош облусунун Кара-Кулжа районунда миграцияга чейинки окутуу жана кесиптик бирликти уюштуруу боюнча семинар өткөрүлдү.


30дан ашуун катышуучулар Россия Федерациясынын миграциялык мыйзамындагы өзгөрүүлөрдү, миграциялык каттоодогу көйгөйлөрдү, COVID-19 пандемиясына байланыштуу каттоону узартуу боюнча акыркы жарлыктарды жана эң негизгиси, эмгек укуктарын коргоо механизмдерин интерактивдүү түрдө талкуулашты.


Бул иш чара «Тилектештик Борборунун» колдоосу менен уюштурулуп, Мигранттардын Кесиптик Бирлиги жана «Инсан-Лейлек» коомдук фонду тарабынан өткөрүлүүдө.